Tbilisidə “Şükriyyə” tamaşası nümayiş olunub (VIDEO-FOTO)

Paytaxt Tbilisidə yerləşən Şota Rustaveli adına Milli Teatrda Azərbaycanın görkəmli şairi Əhməd Cavadın həyat yoldaşı Şükriyyə Axundzadənin taleyinə həsr olunmuş “Şükriyyə” tamaşası nümayiş etdirilib. 24News.ge xəbər verir ki, tamaşa yazıçı Cavid Zeynallının eyniadlı əsəri əsasında hazırlanıb. Əsərdə repressiya qurbanı olmuş Şükriyyə Axundzadənin sürgün həyatı ilə yanaşı, Gürcüstan və digər ölkələrdən deportasiya edilmiş qadınların faciəvi taleləri də əks olunub. Quruluşçu rejissoru Azərbaycanın Əməkdar incəsənət xadimi Bəhram Osmanov olan tamaşa Azərbaycan Mədəniyyət Nazirliyi, Gürcüstan Mədəniyyət Nazirliyi və Azərbaycanın Gürcüstandakı Səfirliyinin dəstəyi ilə hazırlanıb. Layihə Azərbaycan Dövlət Akademik Milli Dram Teatrı ilə Şota Rustaveli adına Milli Teatr arasında imzalanmış əməkdaşlıq memorandumu çərçivəsində gerçəkləşib. Səhnə əsərində əməkdar artistlər Münəvvər Əliyeva, Mehriban Xanlarova, Vəfa Rzayeva, xalq artistləri Nurəddin Mehdixanlı və Əli Nur, həmçinin bir sıra gənc aktyorlar çıxış ediblər. Tamaşanın səhnə tərtibatçısı Samirə Həsənova, geyim üzrə rəssamı Aygün Mahmudova, işıq üzrə rəssamı Rafael Həsənov, musiqi tərtibatçısı Kamil İsmayılov, rejissor assistenti isə Nərmin Həsənova olub. Tədbir çərçivəsində Şota Rustaveli adına Akademik Milli Teatrın foyesində Azərbaycan teatr sənətinin tarixinə həsr olunmuş fotosərgi də nümayiş etdirilib. Sərgidə Azərbaycan teatrının inkişaf mərhələlərini əks etdirən nadir arxiv fotoları təqdim olunub. Qeyd edək ki, Azərbaycan və Gürcüstan teatrları arasında imzalanmış memorandum çərçivəsində birgə tamaşalar, ustad dərsləri və qarşılıqlı mədəni layihələr nəzərdə tutulur. Memorandumun ilk mərhələsi bu ilin martında dünya şöhrətli rejissor Robert Sturuanın Bakıda keçirdiyi ustad dərsi ilə başlanıb.

www.24news.ge

Tbilisidə “Şükriyyə” tamaşası nümayiş olunub (VIDEO-FOTO)

Digər xəbərlər