Məhkəmə “Lelo” partiyasının liderlərinə bir milyon lari girov təyin edib

Tbilisi Şəhər Məhkəməsi “Lelo – Güclü Gürcüstan” partiyasının liderləri Mamuka Xazaradze və Badri Japaridze barəsində təxribat işi üzrə qərar çıxarıb. 24News.ge xəbər verir ki, hakim Fikria Siqturaşvilinin qərarına əsasən, hər iki siyasətçiyə qarşı qətimkan tədbiri kimi bir milyon lari məbləğində girov müəyyən edilib. Məhkəmə bu qərarla prokurorluğun vəsatətini təmin edib. İttiham tərəfinin açıqlamasına görə, girov təqsirləndirilən şəxslərin gizlənməsinin və yeni cinayətlərin qarşısının alınması məqsədi daşıyır. Xazaradze və Japaridzeyə girovu ödəmək üçün 30 günlük müddət verilib. Məhkəmə iclasında Badri Japaridze şəxsən iştirak edib. Siyasətçilərin vəkilləri onların barəsində hər hansı qətimkan tədbiri seçilmədən azad buraxılmasını tələb ediblər. Bu gün keçirilən iclasda həmçinin Mixeil Saakaşvili, Elene Xoştaria, Giorgi Vaşadze, Nika Gvaramia, Nika Melia və Zurab Japaridze ilə bağlı növbəti məhkəmə prosesinin tarixi də müəyyən olunub. Məhkəmə iclası 25 dekabr saat 13:00-da keçiriləcək. Qeyd edək ki, Gürcüstan Prokurorluğu Mixeil Saakaşvili, Giorgi Vaşadze, Nika Gvaramia, Nikanor Melia, Zurab Japaridze, Elene Xoştaria, Mamuka Xazaradze və Badri Japaridze barəsində yeni cinayət təqibi başladıb. İttihama görə, onlar dövlətə qarşı yönəlmiş cinayətlərdə — təxribatda, xarici dövlətin düşmənçilik fəaliyyətinə yardımda, Gürcüstanın konstitusion quruluşuna və milli təhlükəsizliyinə qarşı fəaliyyətin maliyyələşdirilməsində, eləcə də konstitusion quruluşun zorakılıqla dəyişdirilməsinə və ya hakimiyyətin devrilməsinə çağırışda — ittiham olunurlar.

www.24news.ge

Məhkəmə “Lelo” partiyasının liderlərinə bir milyon lari girov təyin edib

Digər xəbərlər