Yeni nəsil elektron şəxsiyyət vəsiqələrinin verilməsinə başlanılıb

Ədliyyə Nazirliyinin Dövlət Xidmətlərinin İnkişafı Agentliyi yeni nəsil, yenilənmiş dizayna malik elektron şəxsiyyət vəsiqələrinin verilməsinə başlayıb. 24News.ge xəbər verir ki, agentliyin yaydığı məlumata görə, yeni şəxsiyyət vəsiqələrinin təhlükəsizliyi müasir qoruyucu elementlərlə daha da gücləndirilib və onlar ən son beynəlxalq standartlara tam uyğundur. Vəsiqələrin dizaynı isə milli tematikaya aid simvollar əsasında hazırlanıb. Bildirilib ki, şəxsiyyəti təsdiq edən sənədin verilməsi üçün müəyyən olunan rüsum dəyişməz qalır və hazırda müddətli şəxsiyyət vəsiqələrinə malik olan şəxslər onları yenisi ilə əvəz etməyə məcbur deyillər. Yeni elektron şəxsiyyət vəsiqəsində sahibinin barmaq izləri əks olunub. Sənəddə, həmçinin QR kod yerləşdirilib. QR kodun skan edilməsi ilə sənədin nömrəsi və statusu, şəxsin qeydiyyat ünvanı, eləcə də sənəd sahibinin istəyinə əsasən tələbə və ya əlillik statusu barədə əlavə məlumat əldə etmək mümkündür. Məlumata görə, vətəndaşlar yeni ID kart üçün Dövlət Xidmətlərinin İnkişafı Agentliyinin ərazi bölmələrində, Ədliyyə Evlərində, səyyar Ədliyyə Evlərində, həmçinin Agentliyin rəsmi internet saytı vasitəsilə onlayn qaydada müraciət edə bilərlər.

www.24news.ge

Yeni nəsil elektron şəxsiyyət vəsiqələrinin verilməsinə başlanılıb

Digər xəbərlər