Haqqımızda Reklam
27 
Iyn
2022
17:23
13
6
393

Stoltenberq: “NATO Gürcüstana və Rusiyanın müdaxiləsinə qarşı həssas olan müttəfiqlərə dəstək olacaq"

"NATO sammitinin əsas mesajı Gürcüstana və Rusiyanın müdaxiləsinə qarşı həssas olan digər müttəfiqlərə dəstək olmaq olacaq". 24News.ge xəbər verir ki, bu barədə NATO-nun baş katibi Yens Stoltenberq medialara müsahibəsində bildirib. O bildirib ki, NATO Rusiyanın müdaxilə təhlükəsi qarşısında olan tərəfdaşlar üçün daha çox iş görməlidir: “Gürcüstanı dəstəkləməyə gəlincə, biz Ukraynaya olan hücum vasitəsilə müttəfiq ölkələrə vaxtında yardım edilmənin vacibliyi dərsini aldıq. Vaxtında dəstək gecikməkdən daha yaxşıdır. NATO 2014-cü ildən bəri Ukraynaya müxtəlif yollarla kömək edir, lakin biz Rusiyanın daxili siyasi işlərinə müdaxilə təhlükəsi qarşısında həssas olan digər tərəfdaşlar üçün də daha çox iş görməliyik. Gözləyirəm ki, bu sammitdə Rusiyanın müdaxiləsi riski altında olan tərəfdaşlara siyasi və praktiki dəstəyi artırmağa razılaşacağıq. Biz onlara öz qabiliyyətlərini təkmilləşdirməyə kömək edəcəyik. Gürcüstan üçün biz vacib NATO-Gürcüstan paketi çərçivəsində, o cümlədən təhlükəsiz kommunikasiyalar, vəziyyətin təhlili, kibertəhlükəsizlik kimi sahələrdə əməkdaşlığı inkişaf etdirə bilərik. Tbilisi yaxınlığında NATO-nun təlim mərkəzimiz də var. Biz bu istiqamətdə daha çox iş görə bilərik, Gürcüstana kiber imkanlarını inkişaf etdirməyə və NATO-nun Gürcüstandakı Əlaqələr Ofisinə daha çox işçi ayırmağa kömək edə bilərik. Beləliklə, bu sammitin əsas mesajı Gürcüstana və Rusiyanın müdaxiləsinə qarşı həssas olan digər müttəfiqlərə dəstək olacaq", - deyə baş katib Stoltenberq bildirib. Qeyd edək ki, Madrid sammiti 28-30 iyun tarixində keçiriləcək. Toplantıda Alyansın yeni strateji konsepsiyasının qəbul ediləcəyi gözlənilir.

www.24news.ge

(Şahidi olduğunuz hadisələri çəkib bizə göndərin!) 571798989