Haqqımızda Reklam
20 
Yan
2023
14:21
25
10
875

İrakli Qaribaşvili Saqarecoda baş verən hadisədən kədərləndiyini bildirib

"Saqarecoda bir polis əməkdaşının və dörd vətəndaşın ölümü ilə nəticələnən faciəyə görə dərin hüznümü bildirirəm". 24News.ge xəbər verir ki, bu sözləri baş nazir İrakli Qaribaşvili ötən gün Saqarecoda baş verən hadisəyə münasibət bildirərkən deyib. “Saqarecoda baş vermiş, bir polis əməkdaşının və dörd vətəndaşın həyatına son qoyan faciə məni dərindən kədərləndirdi. Mərhumların ailə üzvlərinə, yaxınlarına, qəhrəman polisin iş yoldaşlarına və bütün Daxili İşlər Nazirliyinə dərin hüznlə başsağlığı verir, onlara səbr diləyirəm. Silahlı insident zamanı yaralananların tezliklə sağalmasını arzulayıram”, - deyə baş nazir sosial hesabında qeyd edib. Xatırladaq ki, ötən gecə saat 1:00 radələrində 1974-cü il təvəllüdlü keçmiş hərbi qulluqçu Nodar Atuaşvili polis əməkdaşlarına və dinc sakinləri atəşə tutub, nəticədə biri polis olmaqla 5 nəfər həlak olub 6 nəfər isə yaralanıb.

www.24news.ge

(Şahidi olduğunuz hadisələri çəkib bizə göndərin!) 571798989