Haqqımızda Reklam
20 
Yan
2023
23:02
48
7
773

Səfirlik əməkdaşları Qardabani və Saqarecodan olan 20 Yanvar şəhidlərinin yaxınlarını ziyarət ediblər (VİDEO)

20 yanvar faciəsinin 33-cü ildönümü ilə əlaqədar Azərbaycan Respublikasının Gürcüstandakı səfirliyinin təşəbbüsü ilə bir sıra silsilə tədbirlər həyata keçirilib. 24News.ge xəbər verir ki, səfirlik əməkdaşları Tbilisi şəhərinin Poniçala (Soğanlıq) qəsəbəsinə gedərək, burada 20 Yanvar – 9 Aprel abidələrini ziyarət edib, önünə gül dəstələri qoyublar. Sonra 20 Yanvar şəhidi əslən Qardabani rayonunun Ağtəhlə kəndindən olan Rəşid İslamoğlunun ailəsinə baş çəkilərək, ərzaq yardımı təqdim edilib. Şəhidin anası göstərilən diqqətə görə səfirlik əməkdaşlarına öz minnətdarlığını bildirib. Saqareco rayonunun Yor Muğanlı kəndindəki 20 Yanvar abidəsi də ziyarət olunaraq önünə gül dəstələri qoyulub, dualar oxunub. Daha sonra Yor Muğanlı kəndindən olan 20 yanvar şəhidi Ələsgər Qayıbovun ailəsinə baş çəkilib, ailə üzvlərinə ərzaq yardımı təqdim edilib, onlara başsağlığı veriblər. Qeyd edək ki, Azərbaycanın Gürcüstandakı səfirliyinin əməkdaşları 20 Yanvar faciəsinin 33-cü ildönümü ilə bağlı, əslən Marneuli və Bolnisidən olan şəhid ailələrini də ziyarət ediblər.

www.24news.ge

(Şahidi olduğunuz hadisələri çəkib bizə göndərin!) 571798989