Qarsda keçirilən hərbi təlimlərdə Azərbaycan və Gürcüstanın müdafiə nazirləri iştirak ediblər (FOTO)

Türkiyə Respublikasının milli müdafiə naziri Hulusi Akarın dəvəti ilə Türkiyədə səfərdə olan Azərbaycan Respublikasının müdafiə naziri general-polkovnik Zakir Həsənov və Gürcüstanın müdafiə nazirləri Cuanşer Burçuladze "Qış təlimi - 2023" adlı beynəlxalq təlimdə iştirak ediblər. 24News.ge xəbər verir ki, bu barədə Türkiyənin Milli Müdafiə Nazirliyi məlumat yayıb. Təlimlərdə əvvəlcə müdafiə nazirlərinə “Qış təlimi - 2023” təlimi barədə raport verilib. Ordu rəhbərləri yeni nəsil texnika və avadanlıqlarla tanış olub, təlimin maddi-texniki təminat hissəsinə baxış keçiriblər. Sonra Gürcüstanla yanaşı iştirak edən digər 17 ölkənin hərbi qulluqçuları sərt iqlim və çətin relyef şəraitində müxtəlif epizodlar üzrə tapşırıqların icrasını nümayiş etdiriblər. Yekunda Türkiyənin milli müdafiə naziri Hulusi Akar, Azərbaycanın müdafiə naziri general-polkovnik Zakir Həsənov, Gürcüstanın müdafiə naziri Cuanşer Burçuladze müşahidəçilər və digər rəsmi qonaqlar qarşısında çıxış ediblər.

www.24news.ge

Qarsda keçirilən hərbi təlimlərdə Azərbaycan və Gürcüstanın müdafiə nazirləri iştirak ediblər (FOTO)

Digər xəbərlər