Gürcüstan və Çin Orta Dəhlizin inkişafı ilə bağlı saziş imzalayıblar

Gürcüstan və Çin arasında Orta Dəhlizin inkişafı ilə bağlı saziş imzalanıb. 24News.ge xəbər verir ki, sənədi Gürcüstanın İqtisadiyyat Nazirliyinin rəhbəri Levan Davitaşvili və Çinin İnkişaf və İslahatlar üzrə Milli Komissiyasının sədri Çao Çensin imzalayıb. Levan Davitaşvili bildirib ki, memorandum Çinlə daha sıx ticarət-iqtisadi əlaqələr qurmaq, əlavə investisiyalar cəlb etmək və Gürcüstan məhsullarının Çinə ixracını artırmaq imkanı verir: "Biz, həmçinin dəhlizimizə daha çox yük cəlb edə biləcəyik ki, bu da Gürcüstanın regional qovşaq kimi əhəmiyyətini artıracaq”, - deyə L.Davitaşvili bildirib. Qeyd edək ki, Orta Dəhliz Çin, Qazaxıstan, Azərbaycan, Gürcüstan, həmçinin Türkiyə və Avropa ölkələrindən keçir. Bakı-Tbilisi-Qars dəmir yolu xətti dəhlizin bir hissəsidir.

www.24news.ge

Gürcüstan və Çin Orta Dəhlizin inkişafı ilə bağlı saziş imzalayıblar

Digər xəbərlər