Marneulidə iş adamının evinə əl qumbarası atan şəxslər saxlanılıb (VİDEO)

Qrup şəklində törədilmiş pul tələb edilməsinə yardım faktı üzrə üç nəfər saxlanılıb. 24News.ge xəbər verir ki, bu barədə Daxili İşlər Nazirliyi məlumat yayıb. Bildirilib ki, saxlanılanlar: 2005-ci il təvəllüdlü, əvvəllər məhkum olunmuş H.A, həmin il doğulmuş V.M və 2007-ci il təvəllüdlü K.A-dır. İstintaq zamanı müəyyən olunub ki, H.A və K.A xaricdə yaşayan kriminal avtoritetə Marneuli Bələdiyyəsində yaşayan bir vətəndaşdan pul tələb etməkdə kömək ediblər. Təqsirləndirilən şəxslər həmin vətəndaşı qorxutmaq məqsədilə, pul tələb etmək üçün onun yaşayış evinin həyətinə qumbara atıblar, lakin qumbara partlamayıb. Hüquq-mühafizə orqanlarının həyata keçirdiyi istintaq tədbirləri nəticəsində onların hər üçü təqsirləndirilən şəxs qismində saxlanılıblar. Polis qumbaranı maddi sübut kimi götürüb. Qurumun məlumatında bildirilib ki, qrup şəklində törədilmiş pul tələb edilməsinə yardım, partlayıcı qurğunun qanunsuz alınması, saxlanması, daşınması, eləcə də ağır cinayəti bildirməmə faktları ilə bağlı Cinayət Məcəlləsinin 25-181-ci, 236-cı və 376-cı maddələri üzrə istintaq aparılır. Saxlanılanları 9 ilə qədər həbs cəzası gözləyir.

www.24news.ge

Marneulidə iş adamının evinə əl qumbarası atan şəxslər saxlanılıb (VİDEO)

Digər xəbərlər