Marneuli Bələdiyyə Məclisi Rövşən İskəndərovun səlahiyyətlərini dayandırıb

Marneuli Bələdiyyə Məclisi şəhər şurasının sədr müavini Rövşən İskəndərovun səlahiyyətlərini dayandırıb. 24News.ge xəbər verir ki, bu barədə Marneuli Bələdiyyə Məclisinin iclası zamanı qeyd olunub. Bələdiyyə Şurasının aparat rəhbəri Nino Beridze qeyd edib ki, Rövşən İskəndərovun günahsız olduğu sübuta yetirilərsə, o zaman səlahiyyəti geri qaytarılacaq. Lakin, əgər əksi baş verərsə, bu zaman yalnız işə gəlmədiyi dövrün əməkhaqqısı ödəniləcək. Qeyd edək ki, iclasda gündəlikdə duran 4 məsələ müzakirə olunub. Bundan başqa, Marneuli Bələdiyyə Məclisinin sədri Amiran Qiorqadze, Amerikada keçirilən seçkilər haqqında danışıb və Donald Trampı seçkilərdə qazandığı qələbə münasibətilə təbrik edib. Məlumat üçün bildirək ki, noyabrın 1-də Marneuli Magistr Məhkəməsi Rövşən İskəndərov və onun əmisi oğlu Etibar İskəndərov barəsində həbs-qətimkan tədbiri qərarı verib. Növbəti məhkəmə iclası 25 dekabr tarixində Bolnisi rayon məhkəməsində təyin olunub. Rövşən İsgəndərov və onun əmisi oğlu Etibar İsgəndərov seçkilərin saxtalaşdırılmasında ittiham olunurlar.

www.24news.ge

Marneuli Bələdiyyə Məclisi Rövşən İskəndərovun səlahiyyətlərini dayandırıb

Digər xəbərlər