Yeni nazir müavinləri təyin edilib...

Gürcüstanın baş naziri İrakli Kobaxidzenin sərəncamı ilə Gela Geladze müdafiə nazirinin müavini təyin edilib. 24News.ge xəbər verir ki, bu barədə Müdafiə Nazirliyi məlumat yayıb. Bildirilir ki, Gela Geladze ixtisasca hüquqşünasdır. Müdafiə nazirinin yeni müavini rəhbər vəzifələrdə böyük təcrübəyə malikdir. O, indiyədək Gürcüstanın təhsil, elm və gənclər nazirinin müavini vəzifəsində işləyib. İllərlə həmin agentlikdə yüksək vəzifə tutub. Daxili İşlər və Ədliyyə nazirliklərində rəhbər vəzifələrdə çalışıb. Bundan başqa Giorgi Zurabaşvili Gürcüstanın xarici işlər nazirinin müavini təyin edilib. Xarici İşlər Nazirliyindən bildirilib ki, Giorgi Zurabaşvili müxtəlif illərdə Xarici İşlər Nazirliyində müxtəlif vəzifələrdə çalışıb. Nazirliyin məlumatına əsasən, digər müavinlər -Laşa Darsaliya, Vladimir Konstantinidi, Aleksandre Xvtisiaşvili və Xatuna Totladze öz yerlərində qalır.

www.24news.ge

Yeni nazir müavinləri təyin edilib...

Digər xəbərlər