Etirazın 80-ci günündə Tbilisi və regionlarda aksiya və yürüşlər keçiriləcək

Bu gün, etirazların 80-ci günündə paytaxt Tbilisi ilə yanaşı regionlarda da, aksiya və yürüşlər keçiriləcək. 24News.ge xəbər verir ki, Tbilisidə saat 18:00-da hökumət administrasiyası qarşısında “Dövlət qulluqçuları ədalətsiz sistemlə qarşı-qarşıya!” adlı aksiya keçiriləcək. Etirazçılar daha sonra yürüşə qatılacaqlar. Saat 18:00-dan etibarən Avropa meydanından "Rusiya diktaturasına yox!" adlı aksiya keçiriləcək. Saat 19:00-da İctimai kanal qarşısında etiraz aksiyası keçiriləcək. Axşam saat 20:00-da Gürcüstan parlamenti qarşısında etiraz aksiyası davam edəcək. Həmçinin, saat 20:00-da parlament qarşısında səhiyyə sektoru “Rustavelidə Peşələrin etirazı” adlı etiraz aksiyası keçiriləcək. Regionlara gəlincə isə, saat 12:00-da Batumidə Avropa meydanından Sarpiyə dək etiraz yürüş keçiriləcək. 18:00 "Rusiya diktaturasına yox!" adlı etiraz yürüşü (Mərkəzi Park Kolonnaları) keçiriləcək. Saat 19:00-da Konstitusiya Məhkəməsi qarşısında “Vətənə xidmətdə!” adlı aksiya keçiriləcək. Həmçinin Saat 13:00-da Sarpidə "rejim məhbuslarına dəstək" adlı aksiya keçiriləcək. Zuqdididə, saat 18:00 quberniya administrasiyası qarşısında "Qələbəyədək mübarizə" adlı aksiya keçiriləcək. Saat 18:00-da Telavidə Meriya qarşısında fasiləsiz etiraz. Kutaisidə, meriya binasının qarşısında, saat 19:00-da "Avropaya bəli, Rusiyaya yox!" adlı aksiya keçiriləcək. Çxorotsku şəhərində isə, saat 20:00, meriya qarşısında, "Hər gün etiraz etməyə cəsarət et!" adlı aksiya keçiriləcək. Axaltsixedə, Şota Rustavelinin abidəsi önündə, saat 18:00-da "Rus rejiminə yox!" adlı aksiya keçiriləcək. Qoridə, Şəhər Şurasının qarşısında, saat 17:00-da “Rejim məhbuslarını azad edin və yeni seçkilər təyin edin!” adlı aksiya keçiriləcək.

www.24news.ge

Etirazın 80-ci günündə Tbilisi və regionlarda aksiya və yürüşlər keçiriləcək

Digər xəbərlər