XİN Abxaziyada keçirilən “prezident seçkiləri” ilə bağlı bəyanat yayıb

Xarici İşlər Nazirliyi (XİN) Abxaziyada keçirilən “prezident seçkiləri”ni Gürcüstanın suverenliyi və ərazi bütövlüyünə növbəti təcavüz cəhdi adlandırıb. 24News.ge xəbər verir ki, XİN bununla bağlı bəyanat yayıb. Bəyanatda qeyd olunub ki, “seçkilər” Abxaziyanın qanunsuz işğalı və faktiki ilhaqına doğru atılmış addımların qanuniləşdirilməsi üçün növbəti uğursuz cəhddir. Bildirilib ki, Abxaziya bölgəsində etnik soyqırımı nəticəsində yüz minlərlə insanın məcburi köçkün və qaçqın düşməsi fonunda qondarma seçkilər beynəlxalq hüququn fundamental normalar və prinsiplərinə ziddir, onların heç bir hüquqi nəticəsi ola bilməz. XİN beynəlxalq ictimaiyyəti Gürcüstanın suverenliyi və ərazi bütövlüyünün pozulmasına yönəlmiş hərəkətləri düzgün qiymətləndirməyə və lazımi cavab verməyə, Rusiyanı Gürcüstanın suverenliyini və ərazi bütövlüyünü pozan hərəkətləri dayandırmağa çağırıb. Qeyd edək ki, separatçı Abxaziya bölgəsində bu gün “prezident seçkiləri” keçirilir. “Prezidentlik” uğrunda beş namizəd mübarizə aparır.

www.24news.ge

XİN Abxaziyada keçirilən “prezident seçkiləri” ilə bağlı bəyanat yayıb

Digər xəbərlər