TƏCİLİ: Kvemo Kartli qubernatorunun müavini Şinjikaşvili istefa verib

Kvemo Kartli bölgəsində dövlət müvəkkilinin (qubernatorun) birinci müavini Giorgi Şinjikaşvili vəzifəsindən istefa verib. 24News.ge xəbər verir ki, o, bu barədə sosial şəbəkə hesabında məlumat yayıb. Giorgi Şinjikaşvili bildirib ki, vəzifədən şəxsi qərarı ilə ayrılır: “Kvemo Kartli bölgəsində dövlət müvəkkilinin birinci müavini vəzifəsində 4 il işlədikdən sonra, şəxsi qərarımla vəzifəmi tərk edirəm. Hər bir bələdiyyəyə məsuliyyətli fəaliyyətlərinə görə təşəkkür edirəm. Bütün dövlət qulluqçularına dostluq və ölkəyə ləyaqətlə xidmət etdikləri üçün minnətdaram. Silahdaşlarıma dəstəyə və sədaqətə görə təşəkkür edirəm. Bütün hökumət qurumlarına əməkdaşlığa görə təşəkkürümü bildirirəm. Həmişəki kimi ölkə və xalq xidmətində qalacağam”, – deyə o qeyd edib. Məlumat üçün bildirək ki, ötən il Xüsusi Tapşırıqlar İdarəsinin rəisi Zviad Xarazişvili ilə Kvemo Kartli qubernatorunun müavini Giorgi Şinjikaşvili arasında ciddi qarşıdurma baş vermişdir. Mövcud məlumata əsasən, ziddiyyətli məsələyə baş nazir İrakli Kobaxidze və partiyanın fəxri sədri Bidzina İvanişvilinin müdaxiləsindən sonra vəziyyət sakitləşmişdir. Qeyd edək ki, 6 may tarixində baş nazir İrakli Kobaxidze Kvemo Kartli bölgəsinə yeni qubernator kimi Levan Xarabadzeni təyin edib.

www.24news.ge

TƏCİLİ: Kvemo Kartli qubernatorunun müavini Şinjikaşvili istefa verib

Digər xəbərlər