Kobaxidze: "Gürcü xalqını şantaj etmək – Avropa bürokrasiyasının utancverici addımıdır"

Baş nazir İrakli Kobaxidze Avropa Parlamentinin Gürcüstanla bağlı qəbul etdiyi son qətnaməyə sərt reaksiya verib. 24News.ge xəbər verir ki, o, sənədi “tamamilə utancverici” adlandıraraq, məsuliyyətin təkcə Avropa Parlamentinə deyil, bütövlükdə Avropa İttifaqının bürokrasiyasına aid olduğunu bildirib. Baş nazirin sözlərinə görə, bu artıq Avropa Parlamentinin qəbul etdiyi yeddinci "utancverici" qətnamədir və o hesab edir ki, Avropa bürokratları Gürcü xalqına qarşı təzyiq göstərməyə çalışırlar: “Gürcü xalqı kollektiv 'Vahid Milli Hərəkatı' hakimiyyətə qaytarmadığı üçün şantaj etmək çox utancvericidir. Bu biabırçılığa görə məsuliyyəti Avropa bürokrasiyası daşımalıdır”, – deyə Kobaxidze vurğulayıb. O, həmçinin Avropa strukturlarını 2004–2012-ci illərdəki hakimiyyətin – “Vahid Milli Hərəkat” rejiminin – insan hüquqlarının pozulması ilə müşayiət olunan fəaliyyətlərinə “yaşıl işıq” yandırmaqda ittiham edib: “İşgəncələr, reket, televiziya kanallarının zəbt olunması, ərazilərin verilməsi – bütün bunlara o dövrdə göz yuman, dəstək verən elə bu gün də Gürcüstan haqqında danışan bürokratlardır. Onlar məsuliyyət daşımalıdırlar”, – deyə hökumət rəhbəri bildirib. Qeyd edək ki, Avropa Parlamenti son qətnaməsində Gürcüstanda demokratiya və insan haqları ilə bağlı narahatlıqlarını ifadə edib. Gürcüstan hökuməti isə bu sənədi qərəzli və ədalətsiz adlandırır.

www.24news.ge

Kobaxidze: "Gürcü xalqını şantaj etmək – Avropa bürokrasiyasının utancverici addımıdır"

Digər xəbərlər