Dövlət əmlakını mənimsəyən məmur saxlanılıb

Gürcüstanın İşğal Olunmuş Ərazilərindən Köçkünlərin, Əmək, Səhiyyə və Sosial Müdafiə Nazirliyinin tabeliyində olan Sosial Xidmətlər Agentliyinin əməkdaşı saxlanılıb. 24News.ge xəbər verir ki, bu barədə Maliyyə Nazirliyinin İstintaq Xidməti məlumat yayıb. Bildirilir ki, sözügedən şəxs xidməti mövqeyindən sui-istifadə edərək, agentliyə məxsus maddi dəyərləri qanunsuz olaraq mənimsəyib. O, bu malları satarkən, yəni cinayət başında – iş yerində 3472 lari məbləğində pul alarkən saxlanılıb. Əməliyyat-axtarış tədbirləri zamanı mənimsənilən mallar və onların satışından əldə olunan pul maddi sübut kimi götürülüb. İstintaq Cinayət Məcəlləsinin 182-ci maddəsinin 2-ci bəndi üzrə aparılır. Sözügedən maddə 4 ildən 7 ilədək azadlıqdan məhrumetmə cəzası nəzərdə tutur.

www.24news.ge

Dövlət əmlakını mənimsəyən məmur saxlanılıb

Digər xəbərlər