NATO Rusiya dronlarının Polşa hava məkanına daxil olmasından sonra müdafiəni gücləndirir

Rusiya istehsalı olan bir neçə pilotsuz uçuş aparatının (PUA) Polşanın hava məkanını pozmasından sonra NATO müdafiə tədbirlərini gücləndirmək qərarına gəlib. 24News.ge xəbər verir ki, bu barədə "BBC" məlumat yayıb. Məlumata əsasən, alyansın bir neçə üzv dövləti NATO-nun şərq cinahını qorumaq məqsədilə əsgərlər, artilleriya və hava hücumundan müdafiə sistemləri göndərəcək. Polşa insidentlə bağlı BMT Təhlükəsizlik Şurasının iclasının çağırılmasını tələb edib. İclas bu gün yerli vaxtla saat 19:00-da baş tutacaq. "BBC"-nin məlumatına görə, Niderland və Çexiya Polşaya müdafiə qüvvələri göndərir, Litva Almaniyanın hərbi briqadasını qəbul edəcək. Almaniya isə həm NATO-nun şərq cinahındakı iştirakını, həm də Polşa hava məkanında patrul uçuşlarını artıracaq. Bundan əlavə, Fransa Polşanın hava məkanını və NATO-nun şərq cinahını qorumaq məqsədilə üç ədəd "Rafale" tipli qırıcı təyyarə yerləşdirmək niyyətindədir. Qeyd edək ki, 10 sentyabr gecəsi Rusiya tərəfindən Ukraynaya edilən genişmiqyaslı raket hücumu zamanı bir neçə dron Polşanın hava məkanına daxil olub. Alman mediasının məlumatına görə, həmin dronlardan bəziləri NATO bazasına doğru istiqamətlənmişdi. Lakin dron qalıqlarında partlayıcı qurğular aşkarlanmadığı üçün alyans bu hadisəni birbaşa hücum aktı kimi qiymətləndirməyib.

www.24news.ge

NATO Rusiya dronlarının Polşa hava məkanına daxil olmasından sonra müdafiəni gücləndirir

Digər xəbərlər